Vegna "fjölda" áskoranna

Eftir langa umhugsun hefur Seiken ákveðið að ræsa blog-síðu.  Það er ekki endilega vegna þess að eftirspurn eftir slíku hafi verið svo íþyngjandi heldur miklu fremur vegna þess að frúin skoraði á mig að byrja bara að blogga í stað þess að vera að þruma stöðugt yfir fjölskyldunni um menn og málefni undir miðju borðhaldi.

Það er ekki reiknað með að nokkur lesi þetta blog en ef svo ólíklega vill til að einhver geri það þá er viðkomandi velkomið að skilja eftir sig athugasemd. Kjósi menn að hreyta ónotum í síðuhöfund þá gæti mér ekki verið meira sama en ég bið ykkur að halda slíku innan velsæmismarka gagnvart öðrum.