Er Seðlabankinn vaknaður?

Það er spurning en hins vegar er ljóst að Ólína er ennþá steinsofandi.  Hún heldur að afhroð stjórnarflokkanna í kosningunum hafi verið „grís" hjá Framsókn út af því að sigurinn í Icesavemálinu hafi fallið þeirra meginn. Ólína reyndi á tímabili að selja okkur þá hugmynd að óuppgert Icesave myndi kosta þjóðarbúið 1900 milljarða.  Já, þetta væri fyndið ef þetta væri ekki svona sorglegt. Reyndar held ég að Ólína ætti að þakka fyrir hvern dag sem að hún getur vaknað með þá vissu að dómsmálið hafi unnist og þar með forðað henni frá því að taka þátt í því að setja landið endanlega í þrot.  Sigurinn í dómsmálinu gæti nefninlega á endanum reynst þjóðinni ákaflega dýrmætur.

Og Seðlabankinn virðist vera búinn að átta sig á því a.m.k. ef við eigum að taka mark á fréttaflutningi Moggans.

http://www.mbl.is/frettir/innlent/2013/05/11/fekk_ekki_undanthagu/

Þar á bæ telja menn sig hafa heimildir fyrir því að slitastjórn gamla Landsbankans hafi fengið neitun frá Seðlabankanum á undanþágu frá lögum um gjaldeyrismál. M.ö.o. að SÍ hafði komið í veg fyrir að slitastjórnin héldi áfram að lauma gjaldeyri úr landi, framhjá gjaldeyrirshöftunum, til þess að sleikja upp Hollendinga og Breta. En ef að það kemur ekki til greina að draga þá ráðherra sem stóðu að skuldabréfafléttunni á milli gamla og nýja Landsbankans fyrir Landsdóm, þá held ég að það væri allt eins gott að leggja dóminn niður. Þess skal þó getið, þessum ráðherrum til varnar, að þeir virðast hafa haft einhvers konar heimild frá Alþingi til þess að ganga frá málum á milli bankanna eftir eigin höfði.  Já, eftirlitsskylda alþingis er auðvitað bara eitthvað ofan á brauð.

Við hljótum að fagna því ef að það er rétt að Seðlabankinn sé vaknaður því það hefur verið átakanlegt að fylgjast með frammistöðu hans eftir hrun. Á köflum var það þannig að fólk fór inn á síðuna hjá Marínó G. Njálssyni til þess að ná sér í traustar upplýsingar um stöðu þjóðarbúsins eða heimilanna frekar en að fara inn á heimasíðu Seðlabankans.  Þar hefur lítið verið að marka tölur eða greiningar og tók eiginlega steininn úr stuttu fyrir áramót þegar bankinn fann allt í einu 130 milljarða af erlendum skuldum sem týndust á milli uppfærslu forrita eða eitthvað því um líkt. Annars gerir Sigurður Már Jónsson starfsemi SÍ ágætlega skil á sínu bloggi.

http://www.mbl.is/vidskipti/pistlar/sigurdurmar/1297673/

Hvort sem að bankinn er vaknaður eða ekki þá held ég að það sé kominn tími á að Már Seðlabankastjóri finni sér eitthvað annað að gera. Íslendingar eru ekki að fara að semja um einhvern 25-75% afslátt á krónueignum erlendra aðila eins og bankanstjórinn hefur verið að velta fyrir sér. Það myndi endanlega ganga frá efnahag landsins.

Athugasemdir

[Jón Sveinsson, 12.5.2013 kl. 12:48]

Sæll Benedikt

Aldrei hef ég skilið það að enn sé verið að tala um Iceasave á þeim nótum að við Íslendingar eigum að borga eitthvað af þessu.

Sé það verið að færa fé frá okkur til að borga þennan þjófnað bak við þjóðina þá á að læsa þá sem standa á bak við það inni og ekki sleppa þeim út aftur og ég meina aldrei...Sé það svo að þetta sé gjört Þá verður að setja upp undirskriftarlista svo fólkið geti komið lögum yfir það fólk sem stóð á bakvið það ef stjórnvöld sem taka við gjöra það ekki....

[Benedikt Helgason, 14.5.2013 kl. 20:52]

Já, ég hef líka talað fyrir því að mannskapurinn sem stóð að þessari blekkingu, sem uppgjörið á milli þrotabúsins og nýja bankans virðist vera, verði beittur hörku en það virðist einhvern veginn ekki vera mikil stemming fyrir því.