Hokurblætið trompaði hugsjónirnar

Það hefði óneitanlega verið sérstök staða ef Steingrímur J. hefði þegið starfið sem „landstjóri AGS“ yfir Grikklandi og verið á kafi í eymdarvæðingu landsins þegar vinstriflokkurinn Syriza, sem væntanlega er systurflokkur VG, vinnur þennan kosningasigur. En ólíkt er hlutskipt SJS og Alexis Tsipras leiðtoga Syriza; sá fyrri fann ást sinni stað í AGS og Evrópusambandinu en sá seinni ætlar að taka slaginn við peningavaldið að því er manni skilst.

Og lái honum hver sem vill. Ég hef ferðast til Ítalíu, Portúgal og Grikklands eftir hrun og staðan í Grikklandi var sjokkerandi miðað við hin löndin. Engir bílar á hraðbrautunum, engar auglýsingar á ryðguðum auglýsingaskiltunum meðfram vegunum því það er enginn til þess að horfa á þau eða kaupa vörurnar sem þar væri hægt að auglýsa; fólk sofandi í ónýtum skýlum undir brúm yfir uppþornaða árfarvegi og svo framvegis. Ég hitti prófessor í Patras sem var að fara á eftirlaun eða réttara sagt hafði náð aldri en það verða engin eftirlaun. Hann vissi ekki hvernig hann ætlaði að fara að því að lifa af en ást hans á Grikklandi og grískri menningu hafði ekki bilað. Það var aðdáunnarvert en þessi ferð mín þangað niður eftir snart mig töluvert skal ég að viðurkenna. Ég velti því fyrir mér hvaða flokk hann hefur kosið í dag.

En maður kemst ekki hjá því að hugsa til þess að við treystum SJS árið 2009 jafnvel og Grikkir virðast ætla að treysta Alexis Tipras í dag. Hvað geta svo Grikkir lært af okkar rússíbanareið frá hruni? Að minnsta kosti það að þegar kemur að íslenskum vinstrimönnum þá mun hokurblætið alltaf trompa husjónirnar því þegar tækifærið loksins kom til þess að takast á við „auðvaldið“ þá skorti þá einfaldlega kjarkinn með örfáum undartekningum þó.

Syriza sigrar í kosningum

Athugasemdir

[Helga Kristjánsdóttir, 26.1.2015 kl. 02:11]

Eg þori varla að skrifa svona,en ég vildi að þú hefðir átt harðfisk í fórum þínum og boðið prófesornum í Patras.En maður ferðast ekki með mat á sér.Sjá einn pínulítinn gleðiglampa úr vondaufum augum,en það er urmull af þeim í heiminum. Ég skil ekki ágirndina í Evrópusambandið hér heima,sem er vonandi á undanhaldi.Mb.Kv.

[Benedikt Helgason, 26.1.2015 kl. 07:27]

Það er spurning hvort að hann hefði þegið hann Helga, hann var stoltur. Og ég hafði það á tilfinningunni að honum ynnist eitthvað til en það er kannski meira spurningamerki þarna niðurfrá hvaða framtíðarhorfur bíða ungs fólks og ljóst að Grikkir geta ekki horft á þetta aðgerðalausir endalaust. En ég óttast að ástandið í Grikklandi eigi eftir að versna áður en það batnar tala nú ekki um ef þeir taka upp eigin mynt. Þegar það er sagt þá held ég samt að það sé farsælast fyrir þá til lengri tíma litið.