Hvernig slítur maður stjórnarsamstarfi

Ef ég man rétt þá stendur það á blaðsíðu 1 í bókinni um "hvernig eigi að slíta stjórnarsamstarfi" að forðast beri að verða sá flokkur sem að lokum er hægt að benda á sem þann sem formlega slítur samstarfinu. Þ.e.a.s. að það verði notað gegn manni í eftirfylgjandi kosningabaráttu (flokkurinn ekki traustsins verður og svo framvegis). Ég ímynda mér að það sé það sem er í gangi hér, að frammararnir ætli að láta eins og ekkert sé, styðja sinn mann, og þar með verði það sjallarnir sem verða að fella stjórnina ef þeir þora.  Það er varla nokkur maður sem gerir ráð fyrir að stjórnin sitji áfram eftir það sem á undan er gengið, er það nokkuð? 

Röð í ræðustól að krefjast afsagnar

Athugasemdir

[Ómar Geirsson, 4.4.2016 kl. 21:52]

Spurning um á hvaða bylgjulengd Sigmundur Davíð, hvort hann sé kominn allur á astralsviðið.

Veit ekki með nokkra Moggabloggara, erfitt að átta sig á hvort þeir trúi sínum eigin orðum.

Og þá er það upptalið.

En ég held að Bjarni sé ekki sloppinn, allavega þá mun Tortillan verða vel matreidd ofaní hugsanlega kjósendur flokksins fyrir komandi kosningar.

Og það er Hari Kari fyrir hina.

Kveðja að austan.