Að hóta sjálfum sér lífláti

Ég þykist vita að þegar farið er að fjúka í Össur karlinn að þá eru menn farnir að finna fyrir endalokunum í samfylkingarbyrginu. Hann er vanur að taka hlutunum með stóískri ró en undanfarna daga er ljóst að mótlætið er farið pirra hann.  Og lái honum hver sem vill. Ef þessi tillaga um að draga umsóknina til baka verður samþykkt á næstu dögum þá er einfaldlega verið að enda einhverja háðulegustu skógarferð sem nokkurt stjórnmálaafl hefur lagt upp í.

Og stjórnarandstæðingar eru til skiptis mórauðir af háði og bræði þegar Vigdís Hauks hendir í þá beini til þess að naga.  Nú veit ég svo sem ekki hvort þetta myndband er ekki nógu ekta til þess að fjölmiðlar nenni að sinna því, en ef þetta er heiðarlega klippt saman þá er ég ekki viss um að Samfylkingin ætti að vera að hæðast að því sem Vigdís lætur út úr sér.  Ég tek það fram að ég þurfti að gera nokkrar atlögur að því að horfa á þetta til enda en það hafðist þegar ég var búinn að taka af mér leðurbeltið og bíta í það af öllu afli á meðan ég hlustaði á stækkunnarstjóra ESB niðurlægja utanríkisráðherrann fyrrverandi sem virðist ekki hafa hugmynd um, um hvað hann var að sækja. 

https://www.youtube.com/watch?v=0O4fkcYwpu8&feature=share

„Fyrr skal ég dauður liggja“

Athugasemdir

[Jón Steinar Ragnarsson, 24.2.2014 kl. 21:15]

Mér sýnist sendinefnd ESB líka óska ser að eiga belti að bíta í eða jafnvel hverfa ofan í jörðina. Þeir eru rauðflekkóttir í framan af pínlegheitum og blessaður Garðálfurinn skilur ekkert hvað Fúli er að segja og hefur ekki náð því enn.

Takk fyrir stórskemmtilega lýsingu. Ég ætla að deila þessu myndbandi á mínu bloggi.

[Ásthildur Cesil Þórðardóttir, 24.2.2014 kl. 22:01]

Þetta getur ekki verið skýrara, og ég ætla að fá leyfi til að setja þetta inn á fésbókina mína.

[Benedikt Helgason, 25.2.2014 kl. 06:41]

Já Jón Steinar, maður veltir því fyrir sér hvaða hugsanir fljúga í gegnum höfuðin á ESB fulltrúunum meðan þeir hlusta á Össur draga glerbrot niður krítartöflu. Og fyrir alla muni, deildu þessu myndbandi. 

[Benedikt Helgason, 25.2.2014 kl. 06:42]

Endilega Ásthildur.  Inn á fésbókina með þetta.

[Ásthildur Cesil Þórðardóttir, 25.2.2014 kl. 11:17]

Takk búin.