Kröfuhafaáróður?

Það kann að vera nokkuð til í því hjá Lars Christensen að íslenskir stjórnmálamenn hugsi í skammtímalausnum. Hins vegar vegar þá lyktar þetta Bloomberg innslag af kröfuhafaáróðri en þeir virðast hafa greiðan aðgang að íslenskum fjölmiðlum sem bergmála allt sem þeir láta hafa eftir sér. Og það virðist ekki vera skortur á fólki á Íslandi sem að fær ánægju út úr því að láta skelfinguna ítrekað ná á sér tökum. Það má því segja að það sé til markaður fyrir svona málflutning.

En alla vega, þá má gera ráð fyrir umtalsverðum hávaða eftir að stjórnin kynnir áætlun sína í skuldamálunum væntanlega á morgun eða eftir helgi.  Miðað við viðbrögðin hjá vinstri blogghernum hér í morgunsárið hins vegar, þá velti ég því  fyrir mér hvort að það hafi hugsanlega verið sniðugt að leka upplýsingum um hvað gæti verið í vændum í gegnum mbl.is, sem var með þetta sem fyrstu frétt í morgun ("eftir áræðanlegum heimildum" og svo framvegis). Bloggherinn virðist a.m.k. ekki vita í hvorn fótinn hann á að stíga: Sumir virðast óttast að framsókn sé að takast þetta á meðan aðrir velta sér upp úr upphæðinni í mbl fréttinni sem gæti allt eins verið hærri eða lægri þegar þetta verður kynnt.

En hvað upphæðina varðar þá er ágætt að muna að 300 milljarðar er uppfinning Össurar Skarphéðinssonar ef ég man rétt. Hann henti þessum strámanni inn í umræðuna í kosningabaráttunni til þess eins að gjöreyða fylgi samfylkingarinnar að því er virðist.  Ef upphæð skuldaleiðréttinga Laugarvatnsstjórnarinnar verður af stærðargráðunni 130 milljarðar þá eru samanlagðar leiðréttingar í gegnum 110% leið velferðarstjórnarinnar og einhverjar minni aðgerðir ca. 200 milljarðar.  Það er upphæð sem er á pari við það sem HH og framsókn héldu á lofti skömmu eftir hrun ef minnið svíkur mig ekki.  

En sjáum hvað setur.  Kannski gugnar sjálfstæðisflokkurinn í málinu með tilheyrandi stjórnarslitum.  Það virðist a.m.k. ekki þurfa mikla andspyrnu gegn þeim þessi árin til þess að það sjái undir hælana á þeim á flótta.  

„Velja alltaf skammtímalausnir“

Athugasemdir

[Helgi Jónsson (IP-tala skráð) 28.11.2013 kl. 16:03]

Framsjallar töluðu um það í kosningabaráttunni að lækka höfuðstól íbúðalána um 20%...það er aðalatriðið...ekki endilega hver upphæðin er...ef þeir svíkja það er það særstu kosningasvik íslandssögunar.

SjálfstæðisFLokkur og Framsóknarsjallar bjóða þjóðinni uppá skammtímalausnir en ekki langtímalausnir, allt vegna skammtíma hagsmuna og stundargamans og til að gera heiðarlega tilraun til að hífa fylgi flokka þeirra upp.

[Benedikt Helgason, 28.11.2013 kl. 16:54]

Er þessi 20% tala ekki eitthvað sem frammararnir héldu á lofti í kosningabaráttunni 2009 Helgi Jónsson? Held að þeir hafi frekar talað um að leiðrétta forsendubrestinn í þessari kosningabaráttu sem er auðvitað nokkuð opið orðalag. Reyndar rifjast upp fyrir mér þegar ég skrifa þetta að sjallarnir sögðu trúlega að það væri hægt að ná 20% leiðréttingu í gegnum skattkerfið fyrir þessar kosningar en hvernig það var orðað man ég ekki. En það glittir a.m.k. í einhvern vilja hjá núverandi stjórn til þess að gera eitthvað í málunum hvað sem svo úr þessu verður. Það eru örugglega margir kjósendur sem telja það vera nokkra framför borið saman við viljaleysi síðustu stjórnar.

Annars vorum við búnir að fara yfir þetta með framtíðina fyrir stuttu síðan var það ekki?  Mig minnir að niðurstaðan hafi verið sú að það er tilgangslaust að láta sig dreyma um evrur og inngöngu í ríkjasambönd fyrr en búið er að vinda ofan af vandanum sem þjóðin stendur frammi fyrir í dag.